Zurück

ⓘ Stadtentwässerung Buxthu. De Stadtentwässerung Buxthu is en Egenbedriev von de Stadt Buxthu, de sik üm de Entsorgung von dat Afwater in de Stadt Buxthu un in de ..



                                     

ⓘ Stadtentwässerung Buxthu

De Stadtentwässerung Buxthu is en Egenbedriev von de Stadt Buxthu, de sik üm de Entsorgung von dat Afwater in de Stadt Buxthu un in de Samtgemeen Obbens kümmert.

De Bedriev ünnerhöllt en Kanalisatschoon, de üm un bi 274 Kilometer lang is un 242 Pumpstatschonen hett.

Ok dat Regenwater warrt von de SEB över en separaat Kanaalnett afföhrt. Hier is de SEB aver blots in de Stadt Buxthu un in de Gemenen Obbens un Beekdörp tostännig. Dat Kanaalnett för Regenwater is 173 Kilometer lang.

                                     

1. Historie

De Stadt Buxthu hett 1961/1962 en Klärwark an de Straat Melkerstieg an de Eest boot 53° 29′ N, 9° 43′ O. Dat Klärwark weer utleggt op en Inwahnerweert von 25.000 un is 1981 bet 1984 op en Inwahnerweert von 100.000 utboot worrn. De Anlaag weer blangen Buxthu ok för de Gemeen Vosshusen un de Samtgemeen Obbens mit tostännig. 1974 is de Oort Heendörp, de vörher to’n Afwaterverband Oolland un Geestrand höört hett, ok Deel von dat Rebeed von de Stadtentwässerung Buxthu worrn.

In de Johren 1990 hett sik rutstellt, dat Klärwark nich mehr op’n Stand von de Technik weer. En ganz neet Klärwark müss her, wenn dat Afwater na’n Stand von de Technik opbereidt warrn schull. Dorüm hett de Stadt Buxthu beslaten, dat se lever mit de Hambörger Stadtentwässerung tohooparbeidt. Von’n Melkerstieg is över en Botied von 13 Maand en 18 Kilometer lange Druckleitung na dat Klärwark Köhlbrandhöft boot worrn. 14 Milljonen Euro sünd dorbi investeert worrn. Dorto müss extra en Staatsverdrag twüschen de Bundslänner Hamborg un Neddersassen slaten warrn. In’n Dezember 2003 weer de Leitung trech. In’t Johr warrt dör de Leitung 2.8 Milljonen Kubikmeter Afwater pumpt Stand 2013.

De Stadt Buxthu hett 1998 dat Afwatersysteem an de Stadtwarken Buxthu överdragen. De Stadtwarken weren to düsse Tied en Egenbedriev von de Stadt. 2001 is ut düssen Egenbedriev en GmbH worrn. Dorbi is de Stadtentwässerung aftrennt worrn un Egenbedriev von de Stadt bleven.

Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →