Zurück

ⓘ Schüttenvereen. En Schüttenvereen is en Vereen, in den Scheetsport bedreven warrt. Verwandt sünd de Schüttenbroderschoppen. In’n Düütschen Schüttenbund sünd 14. ..



                                               

Schiel

Schiel betekent NSG Oberst Schiel, Schüttenvereen ut Frankfort, de ok as Footballvereen för Froonslüüd aktiv weer. Schiel, Oort in de Gemeen Snevern in’n Landkreis Heidkreis, Neddersassen, Schiel is de Familiennaam von Otto Schiel 1895–1990, düütschen Generaalmajor. Jacob Heinrich Wilhelm Schiel 1813–1889, düütschen Chemiker, Gesine Schiel * 1976, düütsche Fechterin, Adolf Schiel 1858–1903, düütschen Offzeer, Farmer un Burenkummandant, Hannes Schiel 1914–2017, öösterriekschen Schauspeler, Hubert Schiel 1898–1983, düütschen Theoloog, Schriever un Bibliothekar, Carl-Heinz Schiel 1922–2018, d ...

Schüttenvereen
                                     

ⓘ Schüttenvereen

En Schüttenvereen is en Vereen, in den Scheetsport bedreven warrt. Verwandt sünd de Schüttenbroderschoppen.

In’n Düütschen Schüttenbund sünd 14.374 Schüttenverenen tohoopslaten Stand 2016.

Buten de düütschsprakigen Rebeden un de Rebeden, in de vele Düütsche utwannert sünd USA, sünd Schüttenverenen meist unbekannt.

                                     

1. Historie

De öllsten Vörlöpers von de hüdigen Schüttenverenen kemen in de Städer von dat Middelöller op. De Börgers von de Städer harrn de Plicht, de Stadt mit Wapen to verdeffenderen, wenn dat nödig weer. De öllste Nawies för so en Schüttengill is ut dat Johr 1139 in Gymnich. Vele modeerne Schüttenverenen seht sik in düsse Traditschoon. De Schüttenvereen in sien modeerne Form is aver eerst in dat 19. Johrhunnert opkamen.

Dör de Politik von Napoleon is dat Hillige Röömsche Riek 1806 ünnergahn. De düütschen Lannen weren na düsse Tied en Flickenteppich ut lüttje Länner. De Natschonalismus, de in düsse Tied in’t Opkamen weer, wull wedder en vereenigten düütschen Staat grünnen. De Schüttenverenen harrn in düssen Sinn de Wehrhaftigkeit von de Börgers to verbetern.

Nadem de Twete Weltkrieg toenn weer, is dat Schüttenwesen von de Allieerten toeerst verbaden worrn. As sik 1949 de Bundsrepubliek Düütschland grünnt hett, sünd vele von de olen Verenen nee grünnt worrn. In de Düütsche Demokraatsche Republiek sünd de Schüttenverenen aver verbaden bleven. In de Nakriegstied weer de ole Fokus, de Wehrhaftigkeit von de Börgers uttobillen, nich mehr dor. Fokus weer nu vör allen de Sport un de Geselligkeit.

In’n Dezember 2015 hett de Kultusministerkunferenz in Düütschland dat Schüttenwesen as Kulturform in dat Bundswiede Verteeknis von dat immaterielle Kulturarv opnahmen. An’n 11. März 2016 hett de UNESCO dat denn na dat Övereenkamen för dat Wohren von dat Immaterielle Kulturarv uttekent.

                                     

2. Vereensleven

In vele Schüttenverenen is dat Traditschoon, dat een Maal in’t Johr en Schüttenfest fiert un dorbi Schüttenmajestäten utschaten warrt. Vör allen op de lüttjen Öörd is dat faken en groot Volksfest för dat Dörp.

Elkeen Vereen hett aver sien egen Traditschonen.

De Verenen hebbt fröher blots Mannslüüd as Liddmaten tolaten. Eerst in de Johren 1960 un 1970 is dat allgemeen worrn, dat de Verenen Froonslüüd tolaten un Damenafdelen grünnt hebbt.

To de wichtigsten Sportoorden höört dat Luftgewehrscheten, dat Kleenkaliberscheten un dat Luftpistolenscheten. Aver dat gifft ok Verenen, de to’n Bispeel Bagenscheten un Armbostscheten anbeden doot.

För junge Lüüd warrt vondaag ok fakener dat Lasergewehr insett, bi dat ahn Munitschoon schaten warrt.

Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →