Zurück

ⓘ Quartet du dialogue national. Dat Quartet du dialogue national is en Plattform, de to de Förderung vun de Demokratiseeren vun Tunesien nah de Revolutschoon in T ..



Quartet du dialogue national
                                     

ⓘ Quartet du dialogue national

Dat Quartet du dialogue national is en Plattform, de to de Förderung vun de Demokratiseeren vun Tunesien nah de Revolutschoon in Tunesien 2010/2011 upbaut wurr. 2015 wurr de Plattform mit den Freedensnobelpries uttekent.

                                     

1. Upbau

Dat Quartet du dialogue national sett sück ut de folgen veer Organisatschonen tosommen:

  • de Minschenrechtsorganisatschoon Tuneesch Liga för Minschenrechte La Ligue Tunisienne pour la Défense des Droits de l’Homme, LTDH
  • de Gewerkschapsdaakverband Union Générale Tunisienne du Travail UGTT
  • de Hannels- und Industrieverband Union Tunisienne de l’Industrie, du Commerce et de l’Artisanat UTICA
  • de Vereenigung vun de Afkaaten Ordre National des Avocats de Tunisie
                                     

2. Historie

De Arabisch Fröhjohr fung in Tunesien an. Bald nah de Revolutschoon an’ 23. Oktober 2011 wurr de verfaatensgevende Natschonalversammlung wählt, ut de as gemäßigt islamistisch gellen Partei Ennahda as Wahlsieger herutgung un gemeensam mit de as midden-links gellen säkularen Parteien CPR un Ettakatol de Regeeren billen deen. Dat Upstellen vun de Verfaaten truck sück aber över en längeren Tiet hen as docht, verwacht harr man tonächst twalf Maand. Wiels de Tiet wurrn de Spannungen dor aber dör twee Anslääg höhger un reckten in’ August 2013 ehrn Hööchtpunkt. De Demokratiseerensperzess weer ernsthaft gefährdet.

In dit Umfeld hett de Gewerkschapsdaakverband UGTT 2012 den eersten Versöök vun en natschonalen Dialog start, de aber scheef gung, wiel he vun de Ennahdha boykotteert wurr. In’ September 2013 wurr mit en beter Vörbereitung en tweet Versök in Angreep nommen. Ditmal mit veer de Deelnehmer - dat Quartett. Dat gelung sowohl de dree Regeerensparteien Ennahdha, CPR un Ettakatol, as ok de Oppositschonsparteien, de in dat Parlament vertreeden weern, an een Disch to kriegen. De Mediatschonsanstrengungen, de neben den Parteien un de Regeeren ok de dree Präsidenten Staatspräsident, Ministerpräsident un Parlamentspräsident umfaaten deen, ergeev all in’ Oktober 2013 de sonömmt "Roadmap" un hemm to de Rückträe vun de Dreeparteikoalitschoon up de een Siet un de Billen vun en "unafhängigen technokratischen" Regeeren up de anner Siet un letztlich in de Vörbereiten vun allgemeen Wahlen führt. In’ Februar 2015 kunn de Regeerensgewalt up Grundlaag vun de nee Verfaaten weer in de Hannen vun de demokraatsch wählt Regeeren leggt wurrn.

Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →