Zurück

ⓘ Martin Bangemann. Martin Andreas Bangemann is en düütsch Politiker. He weer van1984 bit 1988 Bundsminister för Weertschap un van 1989 bit 1999 EU-Kommissar för ..



Martin Bangemann
                                     

ⓘ Martin Bangemann

Martin Andreas Bangemann is en düütsch Politiker.

He weer van1984 bit 1988 Bundsminister för Weertschap un van 1989 bit 1999 EU-Kommissar för den Binnenmarkt bit 1993 bzw. för Industriepolitik, Informatschoonstechnik un Telekommunikatschoon. Van 1985 bit 1988 weer he ok Bundsvörsitter vun de FDP.

                                     

1. Leven un Berop

Nah dat Abitur 1955 hett Bangemann Juristeree in Tübingen und München studeert, dat he nah dat eerste un tweete juristisch Staatsexamen 1962 mit den Doktertitel afslooten hett. Sie Arbeit för den Doktertitel weer Bilder und Fiktionen in Recht und Rechtswissenschaft. Siet 1964 is he as Afkaat tolaaten.

An 1. Juli 2000 wurr Bangemann Liddmaat in Vörstand vun de spaansch Telefon-Konzern Telefónica un in Juli 2001 Liddmaat in de Upsichtsraat vun de Hunzinger Information AG.

Martin Bangemann is verheiraadt un hett fiev Kinner.

                                     

2. Partei

Siet 1963 is Bangemann Liddmaat vun de FDP. Van 1969 bit 1974 weer he Stellvertreten Vörsitter un bit 1978 Landsvörsitter vun de FDP/DVP in Baden-Württemberg. Van 1974 bit 1975 weer he Generalsekretär vun de FDP. Van 1985 bit 1988 weer he den Bundsvörsitter vun sien Partei.

                                     

3. Afordneter

1972 wurr Bangemann eerstmals in den Düütschen Bundsdag wählt, immer över de Landeslist Baden-Württemberg. Siet 1973 hört he ok dat Europääsch Parlament an. He wurr 1979 bi de eersten Direktwahl weer Liddmaat vun dat Europääsch Parlament un is dorüm mit Afloop vun de Legislaturperiood 1980 ut den Düütschen Bundsdag utscheeden.

In dat Europääsch Parlament weer he van 1979 bit 1984 Vörsitter vun de Liberalen un Demokraatschen Fraktschoon. 1984 keem de FDP nich weer in dat Europa-Parlament, wiel se mit hör Stimmen nich över fiev Perzent keemen.

Van 1987 bit 1988 weer he denn weer Liddmaat vun den Düütschen Bundsdag.

Sien Sekretärin Johanna Olbrich alias Sonja Lüneburg, de för Bangemann van 1973 bit 1985 arbeiten dee, weer en Spionin vun dat DDR-Ministerium för Staatssekerheit. Ok, nahdem se rechtskräftig veroordeelt wurrn weer, bleev dat en früendschaplich Verhältnis.

                                     

4. Apenlich Ämter

An 27. Juni 1984 wurr Bangemann as Bundsminister för Wertschap in de vun Bundskanzler Helmut Kohl führt Bundsregeeren beropen. Anfang 1989 wessel he as Liddmaat in de EG-Kommission wo he för de Binnenmarkt tostännig weer. 1993 wurr he EU-Kommissar för Industriepolitik, Informatschonstechnik un Telekommunikatschoon. Dit Amt behull he bit to de slooten Rückträe vun de EU-Kommission 1999. In sien Amtstiet dreev he vör allen de Liberaliseeren vun de Telefonmärkte in Europa vöran un droog dormit to dat Upbreeken vun de bitherigen staatlichen Monopole in dissen Beriek bi.

As EU-Kommissar weer Bangemann in Brüssel för den Kommunikatschoonsberiek tostännig. De Raat vun de Europääsch Union harr mit Besluss van 9. Juli 1999 gegen Bangemann en Verfohren vör den Europääschen Gerichtshoff anstrengt, um en mögelk deenstlich Fehlverhollen in Tosommenhang mit de sien Wessel ton Telefónica-Konzern prüfen to laaten. De Raat weer bang, dat Verhollen vun Bangemann den Roop vun de Kommission as unafhängig un unparteiisch Gremium gefährden dee un hett sück dorför utspraaken, de Ruhegehaltsanspröök vun Bangemann aftoerkennen Rs.T-208/99. Ünner annern nah Bangemann sien Toseekern, sück in de Tiet vun Juli 1999 bit Juni 2001 beoorlooven to laaten, bevör he en darte Partei gegenöver den EU-Organen vertreden würr un nahdem Bangemann verkloort harr, dat he de vun hüm to glieker Tiet bi den EuGH inbrocht Klaag gegen den Raat Rs. T-208/99 torüchtonehmen, wurr dat Verfohren instellt.

Dissen Wessel vun en Kommissionsliddmaat in en Ünnernehmen, dessen Geschäftsfeld tovör in dat Upgavenrebeet vun den Kommissars full, hett de EU-Kommission ton Anlaat nommen, en Verhollenskodex nebst Ethikkommission intosetten.



                                     

5. Utteknungen

  • 1988: Groot Ehrenteeken an Bande för Verdeensten um de Republiek Öösterriek
  • 1999: Reinhold-Maier-Medaille vun de Reinhold-Maier-Stiften
  • 1989: Grootkrüüz vun den Orden vun den Infanten Dom Henrique
  • 1989: Groot Verdeenstkrüüz mit Steern vun de Bundsrepubliek Düütschland
Bangemann
                                               

Bangemann

Bangemann is de Familiennaam von Walter Bangemann 1907–1973, düütschen Ünnernehmer. Heinrich Bangemann 1881–1966, düütschen Ünnernehmer, Oskar Bangemann 1882–na 1942, düütschen Holtsnittjer, Martin Bangemann * 1934, düütschen Politiker, Kiek ok bi: Bangeman.

Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →