Zurück

ⓘ Club of Rome. De Club of Rome is en nichkommerziell Organisatschoon, de en global Gedankenuttuusch to verscheeden internatschonal politisch Fragen bedrifft. De ..



Club of Rome
                                     

ⓘ Club of Rome

De Club of Rome is en nichkommerziell Organisatschoon, de en global Gedankenuttuusch to verscheeden internatschonal politisch Fragen bedrifft. De Organisatschoon harr ehrn Sitt tonächst in Hamborg, hett dissen aber an‘ 1. Juli 2008 nah Winterthur verleggt.

                                     

1. Historie

De Club wurr 1968 grünnt. De Idee stammt vun den italieenischen Industriellen Aurelio Peccei, en dormalig Liddmaat vun de Firmenleitung vun Fiat un Olivetti un Präsident vun de Ünnernehmendberaden Italconsult, as ok den Schotten Alexander King, Direktor för Wetenschap, Technologie un Erziehung bi de Pariser Organisatschoon för wertschaplich Tosommenarbeit un Entwicklung OECD. Se hebbt dat schafft, en Konferenz to de Tokunftsfragen vun de Minschheit in de Accademia dei Lincei in Rom to organiseeren, de aber nich den gewünschten Spood harr. Nah dat Enn‘ vun de Konferenz hebbt sück söss Deelnehmer drapen: Aurelio Peccei, Alexander King, Hugo Thiemann, Max Kohnstamm, Jean Saint-Geours un Erich Jantsch. De Grupp hett beslooten, hör Ideen wieder to verfolgen un geev sück de Naam "Club of Rome".

1973 kreeg de Club of Rome den Freedenspries vun den Düütschen Bookhannel as bither eenzig Organisatschoon anstäe vun en Eenzelperson.

                                     

2. Utwahl vun de Liddmaaten

  • Dat wurrd tüschen aktiv, assozieert, Ehren- un institutionell Liddmaaten ünnerscheeden. De Tall vun de aktiv Liddmaaten is beschränkt up 100, to Tiet gifft dat 66 Vullliddmaaten. En hoochrangig politisch Amt slutt de aktiv Liddmaatschap ut.
  • Bewerbungen um de Liddmaatschap sünd mögelk, aber nich begäng, Vörbild is dat Prinzip vun de wetenschaplich Akademien.
  • De Club sall multinatschonal un multikulturell ween; all Kulturen, Ideologien, Beropen un Wetenschapstwieg söllt vertreden ween.
  • Liddmaaten sünd utsöcht Ökonomen, Industrielle, Wetenschapler un anner Persönlichkeiten vun dat apenlich Leven.
                                     

3. Präsidenten

  • siet 2012: Ernst Ulrich von Weizsäcker, Anders Wijkman
  • 1984–1990 Alexander King
  • 1969–1984 Aurelio Peccei
  • 2000–2006 Prinz El Hassan ibn Talal
  • 1990–2000 Ricardo Diez-Hochleitner
  • 2007-2012: Ashok Khosla, Eberhard von Koerber
                                     

4. Teel/Anliggen

Dat gemeensam Teel vun all Clubliddmaaten wurrd as folgt beschreven: "Unser Ziel ist die gemeinsame Sorge und Verantwortung um bzw. für die Zukunft der Menschheit!" Buterdem nennt de Club of Rome as Teel "building a global society in the 21st century" un "Global Governance". Um sien Teelen in de "Global Society" to schaffen, sett de Club of Rome up de Billen vun de jung Generatschoon. So wurrd in völ Länner Ganzdagsschoolen grünnd, de mit mögelkst völ butenschoolisch Lernöörd – Bedrieven, Vereens, Universitäten - int In- un Utland vernett sünd. De nee Schoolen sullen sück mit hör jeweilig Schoolprofil in dat Konzept vun den Club-of-Rome-Schoolen rinentwickeln. Dorbi wurr se vun en erfohren Schoolcoach vun den Club of Rome beraden un begleit. För eenzelt Facken wurrn Spezialisten totrucken. Nah en geglückt Umwanneln kriegt disse Schoolen denn dat Qualitätssegel "Club of Rome-School".

                                     

5. Warken un Wirken

Bit hüüd is de Club of Rome in Grund blots eenmal in bedüüdend Utmaat apenlich uptreden – un zwor mit den 1972 rutgeven Bericht Die Grenzen des Wachstums, de vun Dennis Meadows tosammenstellt wurrn weer. Mit disse Studie wurr eerstmals ünner Verwennen vun System Dynamics in‘ Rahmen vun verscheeden Szenarien en Prognose för de tokünftig Wiederentwickeln vun de Welt erstellt.

Siet 1972 wurrn blangen anner Publikatschonen 33 so nömmt "Berichte an den Club of Rome" annommen, de sück mit verscheeden Themen vör allen ünner den Gesichtspunkt vun de tokünftig Entwicklung befaaten. De Berichte wurrd vun extern Experten oder Liddmaaten vun den Club verfaat, to Begoodachten vörleggt un as Bericht annommen – oder aflehnt. Se wurrd aber nich vun den Club as Organisatschoon verfaat oder herutgeven.

De Club of Rome is Mitinitiator vun de Initiative för en Global Marshall Plan.

                                     

5.1. Warken un Wirken Herutgeven Studien

  • The Future Of The Oceans, Elisabeth Mann Borgese, 1986
  • The Double Helix Of Learning And Work, Orio Giarini / Mircea Malitza, 2003
  • The Limits Of Social Cohesion: Conflict And Understanding In A Pluralistic Society, Peter L. Berger, 1997; dt. als: Die Grenzen der Gemeinschaft. Konflikt und Vermittlung in pluralistischen Gesellschaften. ISBN 3-89204-818-5
  • Grenzen der Privatisierung: wann ist des Guten zu viel?, Ernst Ulrich von Weizsäcker et al., 2005/06, ISBN 3-7776-1444-0
  • Wie wir arbeiten werden, Orio Giarini & Patrick Liedtke, 1998
  • The Capacity To Govern, Yehezkel Dror, 1994 & 2001
  • Road Maps To The Future. Towards More Effective Societies, Rohdan Hawrylyshyn, 1980
  • Faktor vier. Doppelter Wohlstand - halbierter Naturverbrauch, Ernst Ulrich von Weizsäcker et al., 1995/96/97, ISBN 3-426-26877-9
  • Die Kunst, vernetzt zu denken, Frederic Vester, 2002
  • The First Global Revolution, Alexander King & Bertrand Schneider, 1991
  • The Limits To Growth, Dennis L. Meadows et al., 1972
  • The Oceanic Circle: Governing The Seas As A Global Resource, Elisabeth Mann Borgese, 1998
  • The Limits to Certainty, Orio Giarini & Walter R. Stahel, 1989/93
  • Goals For Mankind, Ervin László et al., 1977
  • Beyond The Age Of Waste, Dennis Gabor et al., 1978
  • Rio Report: Reshaping The International Order, Jan Tinbergen et. al., 1976
  • Africa Beyond Famine, Aklilu Lemma & Pentti Malaska, 1989
  • Tiers-Monde, Trois Quarts Du Monde, Maurice Guernier, 1980
  • The Scandal And The Shame: Poverty And Underdevelopment, Bertrand Schneider, 1995
  • Taking Nature Into Account: Towards A Sustainable National Income, Wouter van Dieren, 1995, ISBN 978-0-387-94533-0
  • Mankind At The Turning Point, M. Mesarovic and Eduard Pestel, 1974
  • Le Tiers Monde Peut Se Nourrir, René Lenoir, 1984
  • Beyond The Limits To Growth, Eduard Pestel, 1989
  • LImperatif De Cooperation Nord-Sud, La Synergie Des Mondes, Jean Saint-Geours, 1981
  • Im Netz: Die hypnotisierte Gesellschaft, Juan Luis Cebrian, 1999
  • No Limits To Learning, J. Botkin, M. Elmandjra, M. Malitza, 1978
  • Dialogue On Wealth And Welfare – An Alternative View Of World Capital Formation, Orio Giarini, 1980
  • Microelectronics And Society: For Better And For Worse, A. Schaff & G. Friedrichs, 1982
  • The Population Blow Up and After, Sergey P. Kapitza, 2006, Bericht an den Club of Rome und die Global Marshall Plan Initiative
  • Energy: The Countdown, Thierry de Montbrial, 1978
  • Menschlichkeit gewinnt, Reinhard Mohn, 2000, ISBN 3-89204-482-1
  • The Barefoot Revolution, Bertrand Schneider, 1988


                                     

6. Organisatschoon

Ünner de Beteken Club of Rome, National Association vun de Club of Rome un tt30 Think Tank 30 is en Nettwark vun formal unafhängig, dör gemeensam Ideen verbunnen Organisatschonen aktiv. Wiel dat hüüd en gröttere Tall vun National Associations un tt30s gifft, wurrd de oorsprüngliche Club of Rome to Ünnerscheeden, af un to mit "Club of Rome International" betekent, sünners denn, wenn de Mögelkeit vun en Verwesseln besteiht.

  • Der Club of Rome International hett maximal 100 Vullliddmaaten. Disse wählt en Exekutivkomitee, dat ut sien Midden den Präsidenten un de Viezpräsidenten bestimmt. Assozieerte un Ehrenliddmaaten hebbt kien Stimmrecht. De Club of Rome International drapt sück eenmal in’t Johr. In‘ September 2007 wurr beslooten, dat Generalsekretariats vun Hamborg nah Zürich to verleggen. De Anschuuvfinanzeeren vun dat Ümtrecken vun 1.82 Mio. Franken =1.2 Mio. Euro wurr allerdings an‘ 24. Februar 2008 in en Volksafstimmen aflehnt. An‘ 21. April 2008 hebbt de Stadtpräsident vun Winterthur Ernst Wohlwend un en Vertreder vun den Club of Rome bekannt makt, dat de Hööftsitt nah Winterthur verleggt wurrd. De Club of Rome wurrd dorbi vun de Robert un Ruth Heuberger-Stiften över fiev Johr mit insgesamt 1.8 Millionen Swiezer Franken ünnerstütt.
  • Die National Associations vun de Club of Rome sünd formal unafhängig Organisatschonen up Lännerebene. Meest sünd se as Vereen organiseert. Se wählen hör Arbeitsthemen, hör Struktur un hör Liddmaaten free ut. Liddmaaten vun den Club of Rome International sünd nich automatisch Liddmaaten vun de jeweilig Lännerorganisatschoon ok wenn dat faken de Fall is. De National Associations hebbt tosommen mehr as 1000 Liddmaaten. Eenig hebbt ok natschonale Think-Tank-30-Gruppen bild.
  • Think Tank 30 International is en Grupp vun 30 jungen Minschen um de 30 Johr old, de sück den Teelen vun den Club of Rome verbunnen föhlen. Nee Liddmaaten wurr vun bestahn Liddmaaten utwählt.


                                     

7. Düütsch Sellschop Club of Rome

De Düütsch Sellschop Club of Rome wurr 1978 in dat Huus Rissen Hamborg grünnd. Se hett sück, ähnlich as mehr as 30 natschonale Sellschoppen in anner Länner, to’n Teel sett, de Ideen un Arbeiten vun den Club of Rome de interessiert Apenlichkeit in Düütschland nah to bringen, vör allen aber Vertreder ut Wetenschap, Wertschap, Verwalten un Politik to en konstruktiv Meeenensuttuusch över Tokunftsfragen vun de Minschheit tosommentoführen. Aktuell Projekte vun de Düütsch Sellschopp Club of Rome sünd de DESERTEC, de Global Marshall Plan Initiative un de Club of Rome-Schoolen un de weltwiet Schölerinitiative Plant-for-the-Planet.

Vörstand

  • Max Schön Präsident
  • Frithjof Finkbeiner stv. Präsident
  • Fabian Brandt
  • Dirk Wollenhaupt
  • Prof. Dr Ing. Dr. Christian Berg
  • Uwe Möller, ehem. Generalsekretär Club of Rome International Ehrenpräsident
  • Prof. Dr. Michael F. Jischa Ehrenpräsident

Geschäftsführen Andreas Huber

                                     

7.1. Düütsch Sellschop Club of Rome Think Tank 30 vun de Düütsch Sellschop Club of Rome tt30 Düütschland

An’ Dag vun de Düütsch Eenheit 2004 wurr in Hamborg de Think Tank 30 tt30 Düütschland ünner dat Daak vun den Club of Rome grünnd. De Think Tank is en Nettwark vun jung Lüüd um de 30 Johr old, de sück mit Tokunftsfragen utnannersetten. As unafhängig Grupp drocht he to sellschoplich Debatten bi un beschrifft Empfehlungen för en langfristig Politik. De Think Tank is en natschonal Forum, dat interdisziplinär un interkulturell utricht is. He will de Diskussion um Tokunftsverantwoorten un Nahhollenskeit präziseeren, mit kritisch Impulsen de Minschen in Deutschland ansmacken un för en weltwiet Perspektive begeistern. In Arbeitsgruppen schrievt de Liddmaaten vun de Think Tanks sellschoppolitische Texten, führen künstlerisch un satirisch Aktschoonen dör un organiseeren Projekte un Gesprächsrunnen. Jedes Johr finnen twee Tagungen för all Liddmaaten vun den Think Tanks statt. De Think Tank sall ünner annern "einen Beitrag zur öffentlichen Meinungsbildung leisten".

                                     

8. Literatur

  • Mihailo Mesarović, Eduard Pestel: Menschheit am Wendepunk – 2. Bericht an den Club of Rome zur Weltlage Originaltitel: Mankind at the turning point översett vun Hans-Dieter Heck un Walter Stegemann. DVA, Stuttgart 1974, ISBN 3-421-02670-X.
  • Franz Josef Radermacher, Bettina Hofstaetter Översetten, Global Marshall Plan Foundation Hrsg.: Global Marshall Plan. A Planetary Contract for a Worldwide Eco-Social Market Economy. Global Marshall Plan Initiative, Hamburg 2004, ISBN 978-3-9809723-0-7 düütsch un engelsch.
  • Axel Beyer: Wie wir lernen wollen. Das Netzwerk der Club of Rome-Schulen. Murmann, Hamburg 2006, ISBN 3-938017-73-2.
  • Dennis Meadows u. a.: Die Grenzen des Wachstums – Bericht des Club of Rome zur Lage der Menschheit Originaltitel: The limits to growth, översett vun Hans-Dieter Heck, DVA, Stuttgart 1972, ISBN 3-421-02633-5 16. Uplaag 1994.
  • Donella H. Meadows, Dennis Meadows, Jørgen Randers u. a.: Die neuen Grenzen des Wachstums, die Lage der Menschheit: Bedrohung und Zukunftschancen Originaltitel: Beyond the limits, översett vun Hans-Dieter Heck, DVA, Stuttgart 1993 ISBN 3-421-06626-4.


                                     

9. Weblenken

  • Düütsch Sellschop Club of Rome
  • Porträt vun den Club of Rome vun Planet Wissen WDR
  • Webpräsenz vun den Club of Rome
  • Global Marshall Plan
  • The Club of Rome – European Support Centre
  • Chronologisch Historie vun den Club of Rome
  • Club-of-Rome-Schoolen Düütschland
  • Revisiting The Limits of Growth – Could the Club of Rome Have Been Correct, After All?” By Matthew R. Simmons, Oct. 2000 PDF-Datei; 522 kB
  • Think Tank 30 vun den Club of Rome
Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →