Zurück

ⓘ August Freudenthal weer - jüst so as sien öller Broder Friedrich Freudenthal - en Heimaat-Schriever ut Neddersassen, de besünners dör sien Reisberichten - de he ..



                                               

Freudenthal

Freudenthal betekent 9689 Freudenthal, en Asteroid. Freudenthal bei Witzenhausen, Naturschuulrebeed in’n Werra-Meißner-Kreis, Hessen, Freudenthal, Oort in de Gemeen Elsendorf in’n Landkreis Kelheim, Bayern, Freudenthal, düütschen Naam von de Gemeen Jamu Mare in’n Kreis Timiș, Banat, Rumänien, Freudenthal, düütschen Naam von de Stadt Bruntál in Tschechien, Freudenthal, Oort in de Stadt Witzenhausen in’n Werra-Meißner-Kreis, Hessen, Freudenthal, Oort in de Stadt Borken in’n Schwalm-Eder-Kreis, Hessen, Freudenthal, Oort in de Gemeen Weißenkirchen im Attergau, Bezirk Vöcklabruck, Öösterriek, F ...

                                     

ⓘ August Freudenthal

August Freudenthal weer - jüst so as sien öller Broder Friedrich Freudenthal - en Heimaat-Schriever ut Neddersassen, de besünners dör sien Reisberichten - de he in hoochdüütsch schreven hett - bekannt worrn is. He hett butendem ok sünst noch as en Narichten-Schriever, as Rutgever vun Böker un Grünner vun Tiedenbläder warkt.

                                     

1. Leven

Freudenthal weer 1851 as de tweete Söhn vun en Muurmann boorn. 1862 keem August Freudenthal mit ölven Johren int lütt Heidjerdörp Fintel bi Soltau, wo he vun sien Grootvader, de Schoolmester weer, so veel Bistand kreeg, dat he al mit föffteihn Johr Huuslehrer in Luhmöhlen bi Winsen wörr.

Na dat he later en Lehrerseminaar in Stood besöökt harr, hett he welk Johren in düsse Profeschoon arbeed, is denn avers Mitarbeider un wiederhen Redaktöör vun verscheden Bremer Narichtenbläder worrn.

In de 1880er Johren vun sien Johrhunnert ströpt he na plaan dör siene Lünebörger Heid - un dat to Tieden, wo he al Redaktöör bi de Bremer Nachrichten weer.

As Freudenthals amenn mehrst-bedüden Wark is dorbi woll sien Book Heidefahrten 1890-1897 in veer Bännen rutkomen dat binah as programmatisch to beteken is. In düsse Reisberichten, de hüüttodaags förwiss ok as wichtig Oorkunnen för sien Tied rekent warrt, mischt he anstellig un in sien egen Oort Narichten un verleden Tieden.

Bilangs dit schrifft August Freudenthal welk Theaterstücken - mehr Spood het he avers mit sien Leder un Riemels, för welk vun de later ok Musik schreven worrn is.

1875 is he Mit-Rutgever vun de Sammeln vun Texten man seggt dor woll ok "Anthologie" dorto "Bremer Dichter des 19. Jahrhunderts" un Rutgever vun de bedüden Sammeln "Die Heide" 1890.

Besünners sien Leed "O schöne Tied" is in en Barg Spraken översett worrn ; mennigeen vun de Lüüd, de vun Europa na Amerika hen schippert sünd, möcht dat woll up Boord sungen hebben.

Sünst hett Freudenthal noch veel annere Texten över de Heid schreven, de veel Lüüd lesen hefft, un he hett - liek as vördem de Grimm-Bröder, Vertellseln un Märken vun sien Lannen tohoop söcht. "Aus Niedersachsen" I 1893; II 1895).

Vun 1895 an gifft August tosamen mit sien Broder Friedrich ton eerstmal de Tiedenbläd "Niedersachsen" rut, de eerst 2001 ton Enn kamen is. Int gliek Johr keem ok sien eenzig Book in plattdüütsch Spraak, de Heid-Ekkern rut an anner Steed Heideckern nöömt.

August Freudenthal starv int Johr 1898 - un is so man blots 47 Johren oolt worrn. Sien Schriften hefft veel Minschen en Togang to de dormaals aflegen Heidlandschap in Noorddüütschland mööglich maakt.

Ann 18. August 1923 is in de Fambosseler Lieth en Denkmaal to Ehren vun August Freudenthal inwieht worrn - un för sien Graff up de - as en Park anleggt - Riensberger Karkhoff sorgt siet 1938 de Senaat vun de Stadt Bremen.

                                     

2. Warken

  • Heidefahrten, für Freunde der Heide geschildert, 1890 - 1897
  • Band III, Ausflüge in die Flußgebiete der oberen Luhe und Oerke und in die Heide des ehemaligen Stifts Verden, 1894
  • Heideckern a.a.O. "Heid-Ekkern" - düt un dat in noordhannöversch Platt, 1895; Neeoplagen 1959 un 1989
  • Heidefahrten - Sammelband, 1983 unverännert Nodruck in een Band Rotenburg/W.
  • Gedichte, 1879 Verlag J. Küthmanns Buchhandlung in Bremen, 165 Sieden
  • Gedichte, 2. Oplaag, 1888 Verlag Carl Schünemann, Bremen, 280 Sieden
  • Band IV, Ausflüge in die Wurster Heide, in das Land Uelzen und zu den Heidehöhen im Teufelsmoor, 1897
  • Band II, Ausflüge am Nordost- und Südwestrand der Lüneburger Heide, 1892
  • Band I, Ausflüge in die hohe Heide und in das Flußgebiet der Böhme, 1890, Tweetoplaag 1906
                                     

3. Literatur

De Pleeg un Verbreden vun de nedderdüütsche Spraak un dat Wark vun de Freudenthal-Bröder widmet sik as düütschsprakig literaarsch Sellschap de Freudenthal-Gesellschaft in Soltau.

Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →