Zurück

ⓘ Bundsministerium för Gesundheit. Dat Bundsministerium för Gesundheit, is en Bundsministerium vun de Bundesrepubliek Düütschland. Dat is de böverste düütsche Bun ..



Bundsministerium för Gesundheit
                                     

ⓘ Bundsministerium för Gesundheit

Dat Bundsministerium för Gesundheit, is en Bundsministerium vun de Bundesrepubliek Düütschland. Dat is de böverste düütsche Bundsbehöörd vun’t Gesundheitswesen. De Hööftsitt vun’t Ministerium is in Bonn, en tweten Deenstsitt gift dat in Berlin.

Bundsminister för Gesundheit is opstunns Hermann Gröhe vun de CDU.

                                     

1. Historie

Dat Bundsministerium is 1961 as Bundsministerium för’t Gesundheitswesen BMG grünnt worrn un weer acht Johr later mit dat Bundsministerium för Familie un Jöögd tohopenslaten, dat dorna denn Bundsministerium för Jöögd, Familie un Gesundheit heten de.

Eerst 1991 is dat Ministerium as egenstännig Bundsministerium för Gesundheit BMG wedder nee inricht worrn. In’t Johr 2002 is dat Rebeet soziale Angelegenheiten dorto kamen un de Naam weer op Bundsministerium för Gesundheit un Soziale Sekerung BMGS ännert. Dat weer blots bit 2005, denn is dat Sozial-Ressort wedder rutnahmen worrn un güng an dat Bundsministerium för Arbeit un Sozialsaken. Siether hett dat wedder "Bundsministerium för Gesundheit" as fröher al.

                                     

2. Opgaven

Dat Ministerium hett en Reeg vun Opgaven, de to’n Teel hebbt de Gööd vun’t Gesundheitswesen in Düütschland wietertoentwickeln un to sekern. Dorto höört, dat Leistungsvermögen vun de gesettlichen Krankenversicherungen un de Pleegversicherung to sekern un de Intressen vun de Patienten to wohren un to verbetern. Dorto höört ok dat Sekern vun de Weertschopplichkeit un dat Stabiliseeren vun di Bidragssätz.

Bito is höört to de Opgaven de Gesundheitsvörsorg un Gefohrenafwehr as dör dat Infekschoonsschuulgesett, Vörsorg bi Drogen- un Suchtgefohren oder dat Utarbeiten vun Rahmenvörschriften för’t Herstellen, Tolaten, Verdrieven un Överwachen vun Heelmiddel un medizinische Produkten ünner de Aspekten vun de Sekerheit vun bioloogsche Heelmiddel as Bloodprodukten un allgemeen de Gööd, Wirksomkeit un Unbedenklichkeit vun Heelmiddel. Dorto kummt Vörsorg, Rehabilitatschoon un Behinnertenpolitik in’n Sinn vun Rehabilitatschoon vun de Gesundheit un in’n Beroop, Swoorbehinnertenrecht un dat Plegen un Föddern vun behinnerte Minschen. Un nich toletzt ok de Euroääsche un internatschonale Gesundheitspolitik, wo ünner annern de Drogenbeopdraagte vun de Bundsregeeren un de Patientenbeopdraagte toordent sünd.

                                     

3. Opsichtsrebeden

Dat BMG hett de Deenst- un Fackopsicht över de folgen Behörden:

  • Bundsinstitut för Heelmiddel un Medizinprodukten BfArM in Bonn
  • Paul-Ehrlich-Institut PEI, Bundsinstitut för Empstoffen un biomedizinische Heelmiddel in Langen Hessen
  • Düütsch Institut för medizinische Dokumentatschoon un Informatschoon DIMDI in Köln
  • Robert Koch-Institut RKI, Bundsinstitut för Infekschoonskrankheiten un nich överdrägbore Krankheiten in Berlin
  • Bundszentralsteed för gesundheitlich Opklären BZgA in Köln
Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →