Zurück

ⓘ Bundsautobahn 117. De Bundsautobahn 117 is en öörtliche Autobahn, de den Süüdoosten vun Berlin mit de Bundsautobahn 113 op Brannenborger Rebeet verbinnt. Se het ..



Bundsautobahn 117
                                     

ⓘ Bundsautobahn 117

De Bundsautobahn 117 is en öörtliche Autobahn, de den Süüdoosten vun Berlin mit de Bundsautobahn 113 op Brannenborger Rebeet verbinnt. Se hett en Samtläng vun fief Kilometer.

                                     

1. Historie un Verloop

De eerste korte Afsnitt vun disse Autobahn is in de 1960er Johren in de DDR as’n Tobringer vun’t Autobahnkrüüz Schönefeld na Berlin-Adlershof boet worrn. Na de Düütsche Weddervereenigen güng dat 1992 los, wietrecken ne’e Plaans to maken, wobi disse Autobahn an’t Waltersdorfer Dreeeck in twee Asnitten ünnerdeelt worrn is: de nöördliche is denn de A 117 worrn. Vun’t Waltersdorfer Dreeeck is en Trasse as A 113 na Neukölln plaant worrn, üm den Süüdoosten vun Berlin op beide Sieten vun de ehmolige Berliner Muer beter an dat Autobahnnett un an’t Ümland antobinnen.

As de Deelafsnitt vun de A 113 twüschen Adlershof un dat Waltersdorfer Dreeeck an’n 23. Mai 2008 apen maakt worrn is, is de Lück vun de A 113 twüschen den nöördlichen un den süüdlichen Afsnitt dicht maakt worrn.

För den vörherigen Deelafsnitt twüschen dat Autobahndreeeck Treptow un dat Waltersdorfer Dreeeck is de Beteken A 117 nee vergeven worrn. Mit de ne’en Tall is ok de Anslussteed Berlin-Grünau in Waltersdorf ümnöömt worrn. Vun de Anslusssteed na Süüden to verlöpt se nu op en ne’e Streck na’t Waltersdorfer Dreeeck, dat in’n Westen vun’n Karkhoff vun Waltersdorf liggt. De olle Streck hett den Oort Waltershoff vun sien Karkhoff scheedt.

Dat Waltersdorfer Dreeeck is en Mischform ut Autobahndreeeck un en Autobahngaveln. Wenn een vun de A 117 kummt, kann een woll op de A 113 in Richt Dreeeck Neukölln un Stadtmitt afbögen, wenn een aver op de A 113 in Richt Schönefelder Krüüz fohrt, kann een nich op de A 117 afbögen.

Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →