Zurück

ⓘ Gerhard II., Bremen. Gerhard II. to Lippe weer en vun de Bischöp vun dat Arzbisdom Bremen. He weer en Mann, de topacken dö un hett dat Arzbisdom Bremen as en La ..



Gerhard II. (Bremen)
                                     

ⓘ Gerhard II. (Bremen)

Gerhard II. to Lippe weer en vun de Bischöp vun dat Arzbisdom Bremen. He weer en Mann, de topacken dö un hett dat Arzbisdom Bremen as en Landmacht un egen Territorium ganz na vörn bröcht. Dorbi is he vör Krieg nich bange ween. Vun hüüt ut bekeken weer he ehrder en Politiker, as en Mann vun de Kark.

                                     

1.1. Leven Bischop in Bremen un Hamborg

1219 is he Bremer Arzbischop wurrn. Dat Domkapitel vun Bremen harr em wählt, ohn de Hamborgers dor üm to fragen. He hett sik süms in de Länner lunks vun de Elv Arzbischop vun Bremen nömmt, un in de Kuntreien up de rechte Siet vun de Elv Bischop vun Hamborg. Ann 1. April 1224 is dat Arzbisdom Hamborg mit Schrieven vun Paapst Honorius III. uplööst wurrn un dat Bisdom Hamborg stünn nu ok offiziell ünner Bremen. In Bremen hett he sik as en Bischop wiest, de wüß, wat he wull. He hett sik de Botter nich vunt Broot nehmen laten un wüß dat Swert just so to handhaven, as den Krummstaff un de Mitra. Gegen siene Fienden is he up jede Oort vörgahn.

                                     

1.2. Leven Krüüztog gegen de Stedingers

As dat mit de Stedinger Buern ut verscheden Grünn Striet geev, hett he en Krüüztog tostann bröcht. Ofschoonst he sik an un for sik nich goot mit de Börgers vun Bremen stünn de streven na Unafhängigkeit un he versöch, jem mit starke Hand ünner to kriegen hefft em de Bremers bi düssen Krüüztog gegen de Stedingers hulpen. Ok de Graaf vun Ollenborg stünn up siene Siet. Vunwegen siene Hülp hett he al Ansprüch in Ollenborg achteran stellt un upgeven. In de Slacht bi Olenesch hett he de Stedinger in dat Johr 1234 slahn un so unnerkregen, dat se sik nich mehr röögt hefft.

                                     

1.3. Leven Krieg gegen Däänmark

He hett de Graafschoppen Stood un Dithmarschen gegen Däänmark wunnen un ok verdeffendeert. 1227 hett he bi de Slacht bi Bornhöved gegen Däänmark mitmaakt. Later hett he den Freden twüschen Däänmark un dat Huus Schauenborg in Holsteen un Swerin mit upn Weg bröcht.

                                     

1.4. Leven Gerhard verlüst Riga

Offiziell höör Riga as lestet Bisdom över See noch as Suffragan to dat Arzbisdom Bremen. Man al Albert vun Riga hett sik dor nich veel üm scheert. He hett sien Bisdom regeert, as wenn dat sülvstännig weer. Na sien Dood in dat Johr 1229 is dat Bisdom Riga later 1255 vun den Paapst Alexander IV. ton Arzbisdom maakt wurrn, ofschoonst Gerhard mit allerhand Diplomatenkneep versöcht hett, dor gegenan to gahn.

Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →