Zurück

ⓘ Huusholt ..



                                               

Buddel

De Buddel is en Ding, wo een wat rindoon kann, sünnerlich wat to’n Drinken. Boddelns sünd tomeist ut Glas, gifft obers ok welk ut Aluminium, Stahl oder ok Polyethylenterephtalat. Na dat wat binnen ist ünnerscheed wi de Wienbuddel de Köömbuddel de Melkbuddel de Buddel Rum de Gasbuddel för de Chemie de Bruusbuddel de Beerbuddel Wenn de Buddel sülvs wat to’n wedder dicht moken hett, denn seggt wi "Beugelbuddel" dorto. Gifft dat to’n Bispeel bi dat Flens, dat Dithmarscher Pils un anner Beer. Un wenn en lütt Göör an’t blarren is un wat supen mag, denn kriggt dat de Buddel un denn is wedder good ...

                                               

Büdel (Behöllnis)

Büdel is een Oort Tasch, de mierstens ut dünn Materiaal maakt is. Een Büdel kann ut Plastik ween, to’n Bispill üm Kraam schier in’n Köhlschapp to kriegen; ut Popier, to’n Bispill för Stoffsugers; ut weevten Kram, to’n Bispill Inkoopsbüdel, Turnbüdel oder ok Waschbüdel.

                                               

Dröger

De Dröger is en Appraat in’n Huusholt, de wuschenen Klamotten wedder dröög maakt. De Wäsch kummt dorbi in ene Trummel, de sik dreiht. Denn warrt hitt Luft dor rin blaast. De Luft kummt vun de Wand achtern un nimmt denn den Damp op un geiht vörn dör en Flusenseev rut. De Luft warrt denn weder opdröögt oder na buten blaast.

                                               

Füertüüch

En Füertüüch is en tomeist handlich-lütte Reedschap to’n Füermaken, nipp un nau, üm en Flamm to tügen. In en Füertüüch is en Brennstoff binnen. Dat kann Benzin wesen oder Butan oder Propan bi Gasfüertüüchen. Tünnert warrt de Brennstoff mit Funken vun en Tünnersteen an den en Rievrad rifft oder piezoelektrisch.

                                               

Neihersch

Neihersch / Neisch wören de Froonslüüd nöömt, de sick rundum de Kledaasch kümmern deen. Ob dat um Kleder för Froonslüüd oder Deerns, oder ok um Büxen un Anzüüg för de Jungs güng, allns mok de Neihersch. Wenn’n wat nie bruken dä, güng man no de Neihersch hin, dor wör de Kledoge anmeet und denn neih sei dat. Wenn’t wat to flicken geev, denn bröch man dat hen un sei flick’t dat denn. Witten Kroom, Ünnerwäsch, Döker, Laken un so wieder, wören vun de Wittneihersch mookt. Solch Froonslüüd weern direkt in gröteren Huushalt anstellt un möken eer Arbeet dor.

                                               

Pann

En Pann oder ok Braatpann is’n Deel vun de Kaakredschop. Bruukt ward de Pann op’n Herd, vun fröher her ok öber’n open Füürstää. Vun fröher her is’n Pann ut Iesen mit’n hochböögten Rand un een Steel doran. Besünnere un düre Pannen ward jümmer noch ut Iesen smeed. Hüttaudags sün de Pannen ok ut Edelstahl oder ut Liechtmetall mit’n Extraschicht op de Binnensiet, dat Braatgood nich anbrennen deit.

Disch
                                               

Disch

Disch höört to dan wichtigen Huusraat. Je naadem woför he brukt ward, seggt man: Eetdisch, Schrievdisch, Arbeetsdisch. Je naadem wo he brukt ward, seggt man: Kökendisch, Stuvendisch, Bürodisch. Hee besteit in de Hauptsook ut de Dischplatte un de Bein. Vun freuer her wer ein Disch ut Holt, hütdautags gift dat denn Disch ebenso ut Metall Iesen oder Liechtmetall un ut Plastik.

Dischdook
                                               

Dischdook

Dat Dischdook ward to’n afdecken oder smücken op den Disch leggt. To’n Afdecken ward öftens Wassdook opleggt, to’n Smücken ward een Dook ut Linnen opleggt.

                                               

Füerkiek

Ene Füerkiek is en lütten Kassen ut Metall oder ok Holt, in den de Lüüd in’n Winter glöhen Kohlen daan hebbt, dat se sik de Fööt dor an warmen köönt. Ok in’e Kark oder op de Kutschen wörrn Füerkieken bruukt.

Füürholt
                                               

Füürholt

Füürholt isn Beteikend för Holt, dat to’n Inböten in Herd un Aven hernoomen ward. Holt kennt’n to’n Böten all lang un ward sekerlich all eenig dusend Johr vun de Minschen verbött. Vun öllers her ward dat Holt mit de Hann saagt, klövt un to’n Drögen op’n Hümpel sett. Hüttodags ward düt alls mit Moschinen mookt. To’n Anfüern ward dat Holt noch besünners fien klöövt, denn lätt sik dat eher mol anfingen.

Handdook
                                               

Handdook

Een Handdook is een Dook to’n Afdrögen vun Hann un den ganzen Lief. Vele Handdöker sin ut Boomwull, wieldat dat Water goot upsugen deit.

Herd
                                               

Herd

Wi underschäidet in’t Mönsterland den Herd as Füerställ ond den Köökenherd, ook "Maschine" nöömt. Düsse Maschine was in Arbeiderhusholde den Middelpunkt van’e ganze Familje weil et den enzigen warmen Plass in’t Huus was. In’n Winter wörden de kollen Föte gierne in den Backkasten stäieken. Ook wörden Sandkruken oder Backsteene in den Backkasten vörwörmt unn met in’t Bedde nommen. Vandage bij de Zentralheizung is et nich mehr nödig.

Knipser
                                               

Knipser

Een Knipser is de Reedschop an de Wand, to’n Licht an- un utknipsen. Dat gifft ünnerscheidlich Funkschonen dorvon: An- un Utknipser; Wesselschalten - dat heit: dat Licht kann vun ünnerschiedliche Knipser wesselwies bedeint warn.

                                               

Kööksch

Kööksch is de Beteikend för Froonslüüd, de sick allenthalben üm dat Koken un Anrichen vun Spiesen sorgen dä. In freuere Tieden harr jedeen Buernhoff eene oder mehrere Köökschen. In’e Stadt weer in vele betere Huushold oder Hüüs ebenso een Kööksch anstellt. De Kööksch wohn in de Regel mit in’n Huus un harr eer Stuuv mit dat sünstig Personol tosomen.

Neihtüüg
                                               

Neihtüüg

As Neihtüüg beteikend’n all den lütten Kraam, de bi’n Neihen bruukt ward, egaal, ob ne’en Kraam neiht oder ob dat Tüüch flickt ward. Dorto rekend all Oorten vun Goorn, Tweernsband, Nadeln, Knööp, lütte Scheern, usw. Anner Lüüd seggt ok Prüünkraam dorto. Opwohrt is dat in’n Neihkorf oder Neihkassen.

                                               

Pulterkamer

Een Pulterkamer is de Beteikend för een Afstellgewees för alljeden Rumpelkraam. In alle Hüüs un up alle Buurnhööf geef dat so en Kamer för allen Kraam de wichtig un nötig weer, dat’n aber jüst mal nich bruken däe. To’n Bispeel: Kökengeredschop, Wiehnachtssoken, Kisten un Kassen, usw.

                                               

Schapptüüch

Dat Schapptüüch is dat Tüüch to’n Antrecken, wat meisttieds in dat Schapp is. Ward blots an’n Sünndag ruthoolt un antrocken. En anner Woort dörför is de Sünndagsstaat. Dat is bi de Mannslüü de Hoot de swatten Schoh de feine Antog mit Jack un Büx dat witte Hemd un bi de Fruunslü sün dat de feinen Schoh de besünners goden Kledaaschen de Hanndasch de Hoot Schapptüüch is dat Gegendeel vun dat Alldagstüüch.

Sleef
                                               

Sleef

Een Sleef is’n groten Löpel to’n Umröhrn inn Kookpott. Normol is woll ok de Form as’n Kell, denn nöhm man den ok to’n Opfüllen ut den Kookpott her. Vun öllers her weer de Sleef ut Holt snitzt un so ward he ok hüüt noch bruukt. Vundag gifft dat de Sleef aber ebenso ut Metall un ut Kunststoff.

Vörraat
                                               

Vörraat

Een Vörraat leggt’n sik an, wenn’n vun düt oder dat jümmer mol wat to Hand hebben will. Man leggt sik aber ok ’n Vörraat an, wenn dat wat’n regelmäßig bruken deit nich jümmer to kriegen is. In jedeen Huusholt ward wat to eten, wie Kartüffel, Kohl un anner Gröönkraam hinleggt, ebenso ward Füürholt för Aben un Herd bevörraat.

Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →