Zurück

ⓘ Jose Coye oder Joe Coye is en Politiker ut Belize. Coye is 1942 boren. He weer Tollbeamten, bevör he in de Politik gahn is. He weer von 1995 bet 1998 Börgermees ..



                                     

ⓘ Jose Coye

Jose Coye oder Joe Coye is en Politiker ut Belize.

Coye is 1942 boren. He weer Tollbeamten, bevör he in de Politik gahn is.

He weer von 1995 bet 1998 Börgermeester von Belize-Stadt.

Bi de Parlamentswahl in Belize 1993 weer he Kannedaat för de PUP in’n Wahlkreis Karibische Küst un hett de Wahl mit 49.2 % von de Stimmen gegen Manuel Esquivel von de UDP verloren. Esquivel is denn Premierminister worrn.

Bi de Wahl 1998 is Coye in’n sülven Wahlkreis antreden un kunn sik mit 55.62 % von de Stimmen gegen Premierminister Esquivel dörsetten, de so nich wedder in dat Repräsentantenhuus intehn kunn. Bi de Wahl 2003 hett Coye 52.28 % von de Stimmen haalt un dormit gegen Oscar Ayuso von de UDP wunnen. Bi de Wahl 2008 hett he blots noch 33.81 % von de Stimmen kregen un so gegen Carlos Perdomo von de UDP verloren.

To de Wahl 2012 wull Coye wedder antreden, kunn sik bi de PUP-interne Vörwahl an’n 10. April 2011 aver nich gegen Anthony Mahler dörsetten 377 to 784 Stimmen. Nadem ok Mahler de Kannedatur wedder afgeven hett, is David Hoy PUP-Kannedaat in’n Wahlkreis Karibische Küst worrn.

Dormit weer Coye von’n 27. August 1998 bet 7. Februar 2008 Afornten von dat Repräsentantenhuus von Belize. He is 1998 ünner Premierminister Said Musa Minister för Hannel, Industrie, Apentlichen Deenst un Arbeid in dat Kabinett Musa I worrn.

An’n 5. Oktober 1999 is Coye tosätzlich Minister för Gesundheit övernahmen von Servulo Baeza un Zivilsellschop worrn, hett aver de Tostännigkeit för Industrie an Johnny Briceño afgeven. De Tostännigkeit för Arbeid hett Coye in’n Dezember 1999 an Valdemar Castillo afgeven.

In dat ne’e Kabinett Musa II 2003 is Coye denn blots noch Minister för Gesundheit ween.

An’n 5. Januar 2004 hett he den Posten as Minister för Gesundheit afgeven un is dorför Minister för Apentliche Arbeiden worrn. Dormit hett he also de Posten mit Juan Vildo Marin tuuscht.

In’n August 2004 keem dat to ene Regerungskries, as rutkamen is, dat Finanzminister Ralph Fonseca Geller ut’n Soziaalversekerungsfonds bruukt hett, üm Kredite von private Ünnernehmens aftosekern. Coye un söss annere Ministers hebbt Musa opfeddert, Fonseca ut dat Kabinett ruttosmieten. As Musa dat nich daan hett, wullen de söven Ministers de Grupp is von de Medien in Belize "G7" döfft worrn all gemeensaam jemehr Ämter afgeven. Musa kunn den Rüggtridd afwennen, hett aver dat Kabinett ümbillt: Coye hett de Opgaav as Staatsminister in dat Ministerium för Finanzen kregen, üm Said Musa as Finanzminister to ünnerstütten, wat he bet to’n 29. Dezember 2004 bleven is. An’n 29. Dezember 2004 hett he ok dat Ministerium för Verkehr un för Apentlichen Deenst to sien Portfolio tokregen.

An’n 14. Juli 2005 hett he de Tostännigkeit för Apentlichen Deenst afgeven, aver de Tostännigkeit för Kommunikatschoon tokregen.

An’n 12. April 2006 is dat Kabinett wedder ümbillt worrn un Coye hett dat Ministerium för Apentliche Arbeiden afgeven, üm de Ministerien för Gesundheit un Lokale Verwaltung to övernehmen. He is bet an dat Enn von de Legislaturperiood 2008 Minister bleven.

                                               

Coye

Coye betekent Coye-la-Forêt, Gemeen in dat Département Oise, Frankriek. Coye is de Familiennaam von Jose Coye * 1942, Politiker ut Belize, Christopher Coye Chris Coye ; * 1972, Avkaat un Politiker ut Belize, Jean-Baptiste Coye 1711–1771, franzööschen Schriever, Warren Coye * 1965, Radrennfohrer ut Belize. Kevin Coye * 1976, US-amerikaanschen Footballspeler, Janine Elizabeth Coye-Felson, Diplomatin ut Belize, Lee Brown Coye 1907–1981, US-amerikaanschen Künstler, Kiek ok bi: Coy.

Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →