Zurück

ⓘ List vun de röömschen Kunseln. De List vun de Röömschen Kunseln is de Grundlaag vun all Schrieveree öber de Röömsche Historie. Ok de moderne röömsche Archäologi ..



List vun de röömschen Kunseln
                                     

ⓘ List vun de röömschen Kunseln

De List vun de Röömschen Kunseln is de Grundlaag vun all Schrieveree öber de Röömsche Historie. Ok de moderne röömsche Archäologie hett sik dor an holen, vunwegen de Johre in Rom na de Naams vun de Kunseln nömmt wurrn sünd. De beiden Kunseln ehre Naams sünd achternanner in’n Ablativus absolutus upschreven wurrn. As Bispeel: Wenn dat heten dö: Cn. Domitio C.Sosio consulibus, denn bedüüd dat: 32 v. Chr.

Upstellen un Schrieven vun de Listen weer de Preesters ehre Upgaav. De Listen langt öber 1050 Johr vun 509 v. Chr. af an dor weer de leste König vun Rom afsett bit 541, as in Oostrom to’n lesten Mol een Kunsel beropen wurrn is. För de eersten Johrhunnerte vun de Republiek stimmt de Listen woll nich mit de histoorsche Wohrheit öbereen. Dor striet sik de Forschers noch üm. Dat sütt so ut, as wenn in de lesten Johre vun de röömsche Republiek dor fökener mol wat in ännert wurrn is vun Lüde, de dat ünnerstrieken wollen, ut wat vun wichtige un ole Familie se afstammt. Dor kümmt noch to, dat allerhand Oolthistorikers meent, twee Kunseln mit’nanner geev dat eerst vun dat 4. Johrhunnert v. Chr. af an. Wenn dat stimmt, denn mütt ja de Listen ut de frögere Tiet verkehrt ween. De meisten Lüde vun’e Wetenschop meent vundagen, dat eerst vun 387 v. Chr. af an oder noch later dormit rekent weern kann, dat de Listen stimmt. Dat hangt dor mit tosamen, dat bi den Angreep vun de Galliers in düsse Johren all al offiziell Schriften to Dutt gahn sünd.

In Westrom geev dat noch en Konsul bit 58 Johre na Romulus Augustulus. Dat weer de leste Kaiser in’n Westen. 476 is he afsett wurrn.

Wenn de Tieden swaar weern, hett de Röömsche Senat een Diktator wählt un dat Volk hett dor denn Ja to seggt. He hett denn för sess Maande al Macht in den Staat un in de Armee kregen. An sien Siet stünn de magister equitum, dat weer de Baas vun de Riederee.

In dat en oder anner Johr hett dat ok en Kollegium vun tein Beamten mit besunner Vullmacht geven, dat weern de decemviri. Un denn geev dat ok noch Johren, dor geev dat keen Konsuln, man Militärtribunen.

In dat Johr 19 v. Chr. hett de Kaiser Augustus up dat Forum Romanum en Triumphbogen upstellen laten, dor weern de Listen vun all Kunseln vun den Anfang vun de Republik af an up to sehn. Dormols geev dat egens en Kommission, de düsse Listen pröövt un verbetert hett. De meisten Stücke vun düsse List sünd 1546 /47 wedder upfunnen wurrn. 1586 sünd se denn up dat Kapitol in den Palast vun de Konservatoren anbröcht wurrn fasti capitolini.

Wat afkört is un wat dat bedüden deit:

  • suff. = consul suffectus Suffektkonsuln sünd upstellt wurrn, wenn de Vörgänger Bott geven möss oder sturben is. Bloß en Deel vun düsse Konsuln is in de Listen upnahmen wurrn. Faken kann een ok nich weten, wannehr se in’t Amt weern.
  • Imp. = Imperator
  • D.N. = Dominus Noster "use Herr"

Farbcode

  • Decemviri
  • Militärtribunen

Praenomen:

Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →